Mga dekalibreng abogado kampiyon sa korte ug sa kinabuhi

CEBU, Philippines — Nagagikan man tuod sila sa managlahing tunghaan apan dunay daghang mga butang diin sila nagkapareho.

Silang duha mga board topnotchers sa Customs Broker licensure exams kapin sa usa ka dekada na ang milabay.

Si Kenneth Kernn Sesante, nga gradwado gikan sa University of Cebu (UC), 2nd placer niadtong 2006 while samtang si Edwin Melencion Estorgio, nga produkto sa University of the Visayas (UV), nalandig sa ikapitong dapit niadtong 2009. Pipila ka tuig ang milabay, nahimo silang hingpit nga mga abogado.

Daw pagbuot gyud sa kapalaran, nahimo silang teammates sa laing korte nga duol sa ilang dughan, ang korte sa basketball. Nindot kaayo ang timplada sa ilang panag-alyansa.

Ning bag-ohay pa lamang, sila si Sesante ug Estorgio nagsawo sa dungog sa dihang ang Dissenters Bad Boys milugwa nga kampiyon sa 2002 Intergrated Bar of the Philippines (IBP) Basketball League. Si Estorgio maoy gibayaw  nga Finals MVP human siya mipatuasik og 23 puntos sa 64-45 nilang demolisyon sa kanhi way pildeng Pañeros sa tinagakay nilang kampiyonato. Taliwala sa pagsakmit nila sa korona, ang labing nindot nga sud-ungon mao nga sila si Sesante ug Estorgio nakamintinar sa ilang kahait isip mga atleta samtang nakatagamtam og tumang kalamposan isip mga propesyonal.

Dili hinoon sayon ang dalan nga ilang nagian sa wala pa maabot sa ilang nahimutangan karon.

Bunga kini sa mga liso sa kakugi, pagpursige ug dedikasyon nga ilang gitanom sa ilang kaugalingon. Sila mga dalaygong ehemplo nga ang usa ka tawo puydeng manghawod sa pag-eskwela ug ingon man sa natad sa paugnat sa kusog sa susamang higayon.

"During my rookie year katong nagduwa pa ko sa UC college varsity for four years, naka-experience ko og discrimination sa school when I heared a classmate saying na mga bulakbol ang mga varsity players. Mao nang ako gyud desire or goal was to prove that basketball players not only can excel in sports but also in academics. And I'm very happy when I placed 2nd in the 2006 Customs Broker Licensure Exam," matud pa ni Sesante nga usa karon ka legal advisor sa Bureau of Customs (BoC).

"After the initial success, I wanted to prove again that walay limit for athletes academically. So nag-set ko og goal na mahimong lawyer. Naningkamot and nag-ampo nasad ta mao nga four years after, ni-graduate ta sa UC College of Law with honors (cum laude) and was the class salutatorian. Mapasalamaton ta kay eventually nakapasar gyud and officially nahimong lawyer in 2012," dugang pa ni Sesante nga mao na karon ang head coach sa UC Webmasters sa Cebu Schools Athletic Foundation, Inc. (CESAFI). Si Estorgio, nga naglakaw og susamang dalan ni Sesante, nagkanayon nga ang usa sa mga mahinungdanong yawe aron makab-ot sa usa ka tawo ang iyang mga pangandoy mao ang pagbutang sa iyang kasingkasing sa tanan niyang mga gibuhat ug ingon man ang pagkat-on sa iyang mga sayop.

"I think the key is to love what you do, whether it be in studies or in sports. I love studying as much as I love playing basketball," paambot pa ni Estorgio, nga nahimong abogado niadtong 2018.

"Also, be the hardest worker in the room and learn from every mistake. We work our hardest and not get frustrated if ever were commit a mistake, and instead just learn from it," dugang pa ni Estorgio, nga konektado sa pagka kaorn sa Alin Customs Brokerage and Alin Cargo Express. Iya sab gi-establisar ang Wagas and Estorgio Law Firm kauban sa iyang asawa nga si Darling Chyrmtyh.

Karon nga mga dekalibreng abogado na sila ug kampiyon sa kinabuhi, sila si Sesante ug Estorgio dunay bulawanong tambag niadtong mga buot mosunod sa ilang tunob.

"Have a desire, discipline, perseverance, and be grateful. Kung gustohon gyud nimo ang usa butang, makaya gyud ni kab-oton basta disciplined ka in a sense nga daghan ka i-give up para makafocus ka sa imong goal. Dapat magpursige ka and dili dali mo give up. Lastly, dapat mapasalamaton sa Ginoo nga healthy ka always para ma-pursue nimo imong goals," paambit pa ni Sesante.

"Work hard and pray. Without hard work, talent will be wasted. If we pray, everything falls into place. Without our Creator, we are nothing," panapos pa ni Estorgio.