CEBU, Philippines — Way kaluoy nga gidemolis sa Simple Blends ang 5 Joints, 77-33, aron angkonon ang solong
liderato sa East Division sa Hoop Nation Arlon Cup Season 1 niadtong weekend didto sa City
Sports Club-Cebu gym. Si Ralph John Belarmino mipabuhagay og 26 puntos ug 12 ka rebounds sa
dihang giinat sa Simple Blends ang ilang record ngadto sa 10-2.
Sa laing bahin, gitukob sa Wolves ang Brothers, 77-43, aron pagbilin sa ikatulong dapit
bitbit ang 9-3 nga baraha, salamat sa eksplosibong salida ni Bal Zaspa nga mihipos og 24
puntos, 12 ka rebounds ug duha ka steals.
Mikuha sab og atensiyon si Pancho Ada human mipupo og 27 puntos, 10 ka rebounds ug upat ka
assists sa dihang gipiog sa PJL Hoopers ang Cebuanos, 81-72, aron pakgangon ang walo ka
sagunson nilang malas dayon na ngadto sa pagkubit sa una nilang daog. Wala sab magpa-
alkansi si Christian Gallarde nga mitali og 23 puntos, lima ka assists ug tulo ka steals sa
dihang gipakuratan sa Punisher ang Team Kobe, 71-64, alang sa ikalima nilang daog sud sa
usa ka dosenang duwa.
Sa ubang mga resulta, si Kenny Genobia mirehistro og 24 puntos ug lima ka rebounds aron
ituboy ang Prayboys (7-3) ngadto sa 73-67 nga kadaogan batok sa Pfizer, si Mitch Gallardo
mikadlit og 20 outnos ug lima ka rebouns sa dihang gibuntog sa MEQ Builders (7-4) ang
Broncos, 69-64, si Francis Bucky Manzares milansang og 16 puntos ug 11 ka rebounds aron
tabangan ang KJK Reino (3-6) paglampaso sa Manumen, 80-57, samtang si John Michael Balingit
mipaulbo og 26 putnos sa dihang ang Courgars (3-7) nakaipsot batok sa Clutch City, 62-59.