Amicis Basketball League Season 2 mosikad na

CEBU, Philippines — Miabot ngadto sa 16 ka teams ang magkumbati sa Amicis Basketball League (ABL) Season 2 nga  sugdan na karong alas-10 sa buntag didto sa Consolacion covered court.

Dunay walo ka teams matag bracket ning 30-above nga torneyo nga giorganisa ni ABL founder

Paul Alelu Flores ug sa iyang co-founder nga si Lee Mhar Dahil, nga magsilbe sab nga  commissioner sa liga. Si Agvin P. Jugan maoy deputy commissioner, samtang si Louie Cuenca  ang hepe sa technical committee.

Sila si Flores, Dahil ug Jugan sakop sab sa coaching staff sa Consolacion Sarok Weavers nga  naglaraw molangkat sa ikaduha nilang sunod-sunod nga korona sa Pilipinas Super League (PSL)

Under 21 Aspirants Division Second Conference nga gikatakdang mosikad karong Hunyo 26 sa  Cebu City Sports Institute.  Mopakita'g aksiyon sa Bracket A mao ang Casili Residence, Alfa  Wanbatz, Cruz Law Firm, Illustre Top Gun, Born Free, Los Amigo, RCBC Gamsi, ug Tayud  Basketball Club.

Magtige sa Bracket B ang YYBC, 032 Kicks by Miller, Titans, Gimini, Legendary, Artera,  Amigos, ug MCPO Station 3.Moduwa sila og single round robin sa eliminasyon. Ang top 4 teams matag bracket mo-abante  sa crossover quarterfinals diin ang top 2 dunay twice-to-beat advantage.

Ang mga mananaog magsangka sa knockout semifinals. Ang kampiyonato usa sab ka tinagakay nga  duwa. Ang ABL Season 2 gipaluyohan sa Sunsport ni Andrew Choachuy, ang opisyal nga bola sa liga,

Hapiol Customs Brokerage ug Welec Trucking ni Wendil Lecin, DOLE Foods and Beverage ni  Reggie Gratones, Fighter Fifty ni Roger Salili, VDrink Malunggay Juice ni John Cabahug,

Rovyn Thor O'lshoppe ni Melvin Cataluña, ug NorthSports Apparel nilang Joven Cid Cortes ug   Alelu Flores.

Gisuportaan sab kini sa LGU Consolacion ubos sa liderato ni mayor Joannes "Joyjoy" P.  Alegado ug Tayud barangay captain Blessilda “Bingol” Villo.