Erram dili magpa-opera sa iyang angol

CEBU, Philippines — Ang pambatong sentro sa TNT Tropang Giga nga si Poy Erram nakahukom nga dili na lang magpa-opera sa nabuak niining bukog sa ubos nga bahin sa iyang mata.

Sigun kini sa tambag sa iyang mga doktor nga nagkanayon nga ang beteranong big man dili na kinahanglan pa nga operahan.

Ila hinuon gipahimangnoan si Erram nga ampingan ang iyang nawong nga dili na kini maigo pa ilabi na sa mga duwa.

"Sabi naman ng doctor hindi na kailangan operahan basta ingatan lang siya," matud pa ni Erram.

"Actually delikado," dugang pa ni Erram, nga gihimoan na og maskara nga kinahanglan niyang sul-oton matag duwa. "Nahihirapan din kasi akong magsuot ng mask, e. Nakakasagabal din minsan. Pero siguro kapag kailangan na lang talaga."

Nahiaguman ni Erram ang maong angol niadtong Philippine Cup bubble didto sa Bacolor, Pampanga sa miaging tuig sa dihang nalamba ang iyang nawong sa sawog sa Don Honorio Ventura State University gym samtang giukod ang bola atol sa Game 4 sa semifinals tali sa TNT ug San Miguel.

Natiwasan pa si Erram sa dihang wala tuyoa nga nadat-ogan siya ni Mo Tautuaa ug nahaplak og balik ang iyang nawong sa sawog.

Nindot hinoon nga balita nga miabot ni Erram gumikan kay ang iyang injury maayo lamang sa iyang kaugalingon nga dili na magkinahanglan pa og operasyon.

"Maghi-heal naman daw siya on itself. Siguro mga two or three months," dason pa ni Erram.