CEBU, Philippines — Ang Green-Cheeked nagkabawi gikan sa mabugnaw nga sinugdanan dayon nga ngadto sa pagpatikyaob sa Rosellas sud sa tulo ka sets aron langkaton ang kampiyonato sa 1st Mayor Joannes Alegado Sepak Takraw Cup ning bag-ohay pa lamang sa Sta. Lucia park didto sa Barangay Poblacion Oriental lungsod sa Consolacion, Cebu.
Gibidahan nilang Rojimar L. Semblante, Jeramel Trillo, ug Milke Ibale, ang Green-Cheeked gikastigo sa Rosellas sa unang set, 2-21.
Apan ang Green-Cheeked milusad og madasigon nga resbak hinungdan nga gipayaka niini ang Rosellas nilang Jasen Truz, Maki Bentulan, ug Jonas Ancajas sa sunod nga duha ka sets, 21-14, 21-15, aron birahon ang korona.
Gipaluyohan sa LGU Consolacion ubos sa liderato ni mayor Joannes “Joyjoy” P. Alegado, ang torneyo gisalmotan sab sa Takoyatea, Rojimar Dressed Chicken, James Aviary, Ey Stickerhouse, Javahigh Talamban, A and R Printshop, Alu Porter Craft, Cebu Fishingby Magx, Liga PPE & Workwear Enterprise, ug Pest Officer Pest Control Services.
Giorganisa kini nilang Wendell S. Acabal, Dioscoro "Danny" M. Andrino ug Marlon S. Gicain inabagan nilang Arnold Niedo, Herbert Tabasa, Sem Augustus Adovo, Ralph Ortouste, Gary Pepito, Jamesle A. Pitogo, Julius Roble, Jimmy Canen, Regie Sanchez, ug Arlou Sontosidad.