CEBU, Philippines — Ang giatngan nga Second Conference sa labing unang Chooks-to-Go Pilipinas VisMin Super Cup season mosikad na karong adlawa didto sa Pagadian City Gymnasium sa Zamboanga del Sur.
Pito ka teams nga gipangulohan sa defending Southern champion Basilan-BRT Peace Riders ang mopakita'g aksiyon sa usa ka bulan nga pinaksitay sud sa korte.
Makabangga sa Peace Riders ang MisOr Kuyamis, Iligan Archangels, Kapatagan Buffalos, Pagadian Explorers, Roxas Vanguards, ug Zamboanga Sibugay Anak Mindanao Warriors.
Matud pa ni VisMin Super Cup CEO Rocky Chan nga ang pagtak-op sa tuig uban ang usa ka torneyo alang sa mga basketbolista sa VisMin region ilang paagi aron mahatagan og kapanginabuhian ang mga players sa dili pa ang Pasko.
"After taking a few months off, we are excited to start again so we can provide livelihoods to our players, coaches, and the people in Pagadian," dason pa ni Chan. "We definitely want to end the year right with this tournament."
Ang mga entranteng koponan moduwa subay ang double round elimination. Ang top 4 dunay twice-to-beat advantage sa crossover quarterfinals. Ang mga mananaog maoy mag-abot sa knockout semis. Ang finals usa ka best-of-three series.
Sa gihapon, ang Super Cup gipaluyohan sa Chooks-to-Go.
"We are proud of the Pilipinas VisMin Super Cup for continuing with its goal of promoting basketball, especially in Mindanao," kanayon pa ni Chooks-to-Go president Ronald Mascariñas, a proud son of Butuan City. "And as promised, our relationships with the leagues we are supporting won't be affected with us being named as the organizers for the Maharlika Pilipinas Basketball League."