Mas kulbahinam nga aksiyon atngan sa VisMin Super Cup
CEBU, Philippines — Mas dako, mas sadya, ug mas kulbahinam nga aksiyon sud sa korte ang masaksihan sa pagbalik sa Pilipinas VisMin Super Cup alang sa ikaduha niining komperensiya nga gikatakdang mosikad karong Biyernes, Nobiyembre 20, sud sa bubble set-up didto sa Pagadian City Gymnasium sa Zamboanga del Sur.
Si VisMin Super Cup Chief Operations Officer (COO) Chelito "Chakang" Caro nagkanayon nga ang gubat sa kampiyonato dili matagna gumikan kay balanse man kaayo ang komposisyon sa matag team ning higayona.
"We're all set and ready to go. Expect a bigger and more exciting Pilipinas VisMin Super Cup action in our second conference," pasalig pa ni Caro.
"With the well balanced lineup of teams, it's going to be anybody's ballgame. The way I see it, everyone will be in an even playing field. We can't say or predict at all who is going to be the champion," dugang pa sa multi-titled coach nga nahimong ehekutibo sa liga.
Gipangulohan sa host Pagadian City Explorers ug First Conferfence champion Basilan Peace Riders, lain pang mokumbati sa usa ka bulan nga torneyo nga motak-op sa makasayayanong season sa labing unang propesyonal nga liga sa baketbol gawas sa Manila mao ang Anak Mindanao Warriors sa Zamboanga Sibugay, Misamis Oriental, Iligan, Roxas, ug Kapatagan, Lanao del Norte. Moduwa sila subay ang double round elimination. Ang top 4 dunay twice-to-beat advantage sa crossover quarterfinals. Ang mga mananaog maoy mag-abot sa knockout semis. Ang finals usa ka best-of-three series.
- Latest
