Filbasket na-alarma sa isyu sa GAB

CEBU, Philippines — Ang bag-ong naporma nga Filbasket determinado nga mosikad sa labing una niining torneyo ning semanaha bisan pa man sa isyu nga miulbo tali sa liga ug sa Games and Amusement Board (GAB).

Mao kini ang gipabuhagay ni Filbasket founder Jai Reyes atol sa usa ka press conference kagahapon human milugwa ang mga taho nga buot pugngan sa GAB ang gikatakang pagsugod sa liga karong Oktubre 28 didto sa Subic Bay gymnasium.

"Our teams, they were alarmed. So were we alarmed," matud pa ni Reyes. "Napaka-timely ng pangyayari, I mean, we were talking to GAB nsince June pero right now that tip off is one week away, the issue suddenly pops out."

Sa sayo pa ang GAB, pinaagi sa legal division head niining si Atty. Omar Benitez, nangangkon nga ang Filbasket wala mo-agi sa Philippine Sports Commission nga maoy nagdala sa amateur nga mga atleta.

Wala sab sila mo-aplay og pro license bisan og ang ilang mga players gikataho nga gibayran aron moduwa.

Misumpaki niini si Reyes kay bisan tuod og amateur ang ilang liga, nakig-coordinate si sa GAB ug gani gitambagan pa sila sa ahensiya nga mag-agi og proseso nga ila sab nga gibuhat. Apan karon mismo ang GAB ang mikuwestiyon niini.

Daw mitumaw gyud ang wala pagkasinabtanay sa duha ka habig gumikan kay ang GAB mibahad man nga mohimo og ligal nga aksiyon kon ugalibng idayon gyud sa Filbasket ang pagbukas sa makasaysayanon niining season upat ka adlaw gikan karon.

Tungod niining maong hitabo, si Reyes miangkon nga duna na karoy pagduha-duha sa bahin sa mga team owners apan ilang buhaton ang tanan aron mahilot ang isyu ug mahinayon gyud ang pag-arangkada sa ilang liga.

"We explained to them the issue at hand... Maybe the articles blew the issue out of proportion pero ang qinuquestion lang talaga ni GAB is sa tingin nila pro kami, pero we already explained it to them that we are amateur. For our teams, there were apprehensions, eveybody was contacting us on the articles that came out, but right now, all the teams are still a go," dason pa ni Reyes.