AIBA World Championship: Makadani ang premyo apan Pilipinas way entrante

CEBU, Philippines — Sa labing unang higayon sud sa 75 ka tuig niining kasaysayan, ang International Boxing Federation (AIBA) mohatag og ganting salapi niadtong mga makadaog og medalya sa 2021 AIBA Men’s World Boxing Championships nga gikatakda karong Oktubre 26 ngadto sa Nobiembre 6 didto sa Stark Arena sa Belgrade, Serbia.

“It is the first time AIBA will reward medalists of the World Championships financially, and this is how it should be. This money is well-deserved taking into account the years of preparations required to earn a place at AIBA’s top tournament and the efforts made. We know this development will be a major benefit for our boxers. Not only should they be successful in the ring, but also self-sufficient and prosperous,” matud pa ni AIBA President Umar Kremlev.

Sa iyang bahin, si AIBA Secretary-General Istvan Kovacs mipadayag nga importante kaayo kining ilang inisyatiba alang sa mga boksidor nga naningkamot og maayo aron lamang makakab-ot og dungog sa prestihiyoso nilang torneyo.

“AIBA provides its athletes a fair chance to earn a living as well as to have extra motivation. I know how much these possibilities mean for boxers. I am happy for those who are having this chance now, and to be leading the way AIBA is making these opportunities happen for today’s athletes. It’s a big step toward our big goal to build a sustainable boxing pathway,” paambot pa ni Kovacs.

Gikan sa kinatibuk-ang premyo nga $2.6 million nga ilang idalit, ang $100,000 (P5 million) itunol sa matag gold medalist. Ang silver nagkantidad og $50,000 (P2.5 million) samtang ang mga bronze medalists makakubra og $25,000 (P1.25 million).

Apan ang Association of Boxing Alliances in the Philippines (ABAP) dili mopadala og bisan usa ka representante ning usa ka semanang torneyo diin ang mga Pinoy’ng boksidor taas kaayo ang tsansa nga modaog.

Ang rason? Kakuwang sa preparasyon matud pa ni ABAP secretary-general Ed Picson.

“Wala (none),” tubag pa ni Piscon sa dihang gisukna kon ang ABAP duna bay ibala sa umaabot nga kompetiston sa AIBA.

“Most of our elite boxers only went back to training less than two weeks ago. Not enough time to prepare,” pasabot pa ni Picson. “I know about the huge cash prizes but we’d rather not send any boxers than put us to shame.”