Crawford, Porter nagkasinabot mag-away
CEBU, Philippines — Ang way pildeng WBO welterweight champion nga si Terence Crawford ug ang kanhi kampiyon nga si Shawn Porter nagkasinabot nga magsinukmagay ibabaw sa ring karong Nobiembre 20 didto sa Mandalay Bay sa Las vegas, Nevada.
Sigun sa taho ni Mike Coppinger sa ESPN, si Crawford garantisado og $6 million nga premyo sa maong 12 ka hugna nga bugno, samtang si Porter modawat og $4 million.
Si Crawford (37-0, 28KOs) modepensa sa ikalimang higayon sa korona nga iyang nasakmit human gipilde ang Australyanong si Jeff Horn niadtong 2018.
"I'm very excited," matud pa sa 33-anyos nga si Crawford. "Now I can show my talent and maybe I can show something for the general public, something that they've never seen before. Because I don't believe that I've showed them my best yet."
Dili hinoon basta-basta ang banggaon ni Crawford. Si Porter, nga dunay 31-3-1 record uban ang 17KOs, duha ka higayon nahimong world welterweight champion ug duna kini kapasisad nga mopatilaw og pilde ni Crawford sa labing unang higayon.
- Latest
