Cebu duna nay pro football team
CEBU, Philippines — Duna nay usa ka professional football team ang probinsiya ssa Sugbu. Kini human gihatagan sa Philippine Football League (PFL) og provisional license ang Dynamic Herb Cebu FC.
Gumikan niini, ang DH Cebu FC makasalmot 2021 PFL season nga gikatakdang mosikad sa naghinapos nga bahin ning bulana didto sa Luzon.
Ang DH Cebu maoy ikapitong koponan nga mopakita’g aksiyon sa umaabot nga torneyo sa PFL sunod sa Azkals Development Team, Kaya Iloilo, Maharlika Manila, Mendiola 1991, Stallion Laguna, ug United City.
Duna nay nagrepresenta kanhi sa Cebu sa PFL apan mao pa lamang kini ang unang higayon nga ang team langkoban og mga Sugbuanonon ug Cebu-based players.
Usa kini ka damgo nga natuman alang ni Cebu football patron Ugur Tasci, nga maoy nag-establisar ning Dynamic Herb Cebu FC. Siya sab maoy utok sa Leylam FC, ang usa sa labing malampuson nga football teams sa Sugbu.
"This is our own, our pride. I urge all Cebuanos to support us, follow us. This is your real Cebu team, we represent the whole of Cebu island. We want all Cebuanos beside us in this journey," matud pa ni Tasci. "We are going to bring excitement, and fun to the PFL. Manila be ready and wait for us, we are coming!"
- Latest
