Alapag mapasalamaton sa Sacramento Kings
CEBU, Philippines — Way sukod ang gibating kalipay ni kanhi PBA star Jimmy Alapag human nakampiyon ang Sacramento Kings sa bag-ohay pang natapos nga NBA Summer League didto sa Las Vegas. Pinaagi sa iyang Instagram, si Alapag mitunol sa mainiton niyang pasalamat sa Kings nga mikuha kaniya nga kabahin sa coaching staff niini sa ikaduhang higayon sukad niadtong 2019.
“What an amaxing experience here in Vegas for the NBA Summer League!!" suwat pa ni Alapag.
"Thankful to have been part of such a special group of people, from the coaching staff, trainers, and support staff, to the players. Watching the team come together over the past few weeks was amazing to watch," dugang pa sa kanhi team captain sa Gilas Pilipinas.
Si Alapag nagsibleng assistant coach ni Bobby Jackson, nga maoy head coach sa Stockton Kings sa NBA G League.
Si Alapag ug ang Kings miposte perpektong 5-0 dayon na ngadto sa pagsakmit sa titulo human gilampaso ang Boston Celtics sa kampiyonato,100-67.
- Latest
