Fajardo Gitugtan Na Nga Makaduwa
CEBU, Philippines — Bulahanon ang bag-ong tuig ni June Mar Fajardo kay gihatagan na kini og pagtugot nga makaduwa'g balik sa PBA.
Ang Sugboanong sentro gipaabot nga mabalik sa San Miguel Beermen roster inig sugod sa PBA Season 46 karong Abril 9.
“He’s okay. We’re expecting him to play next conference or this season,” matud pa ni San Miguel Corp. sports director Alfrancis Chua. “So far, okay siya.”
Asoy pa ni Chua, nga naayo na ang gisi sa operasyon sa iyang bitiis.
“Doc (George) Canlas said may go signal na siya to play,” dugang pang Chua.
Ang 7-foot-10 nga si Fajardo wala makaduwa sa tibuok PBA bubble season dihang nahiagom og freak injury usa ka semana sa dili pa ang five-time champion nga Beermen mosugod og depensa sa ilang All-Filipino Cup title.
Bisan pa, ang Beermen nakatapos gihapon sa ikaupat human sa eliminasyon sa All-Filipino conference.
Ang Beermen wala kalahutay sa sunod hugna dihang gisilhig sila sa Meralco Bolts sa ilang "best-of-five" quarterfinals series.
Walay duha-duha, mausab ang dagan sa duwa sa Beermen kon wala ang ilang higante nga si Fajardo.
Miadmitar si Chua nga si Fajardo usa ka difference-maker sa Beermen.
- Latest
