Wall, Cousins mipakitang gilas sa Rockets debut

CEBU, Philippines — Mipakita og timaan si John Wall nga nabalik na ang iyang dekalibreng duwa human mapalta og dul-an duha ka tuig tungod sa hell ug Achilles tendon injuries.

Si Wall nga gibaylo uban sa umaabot nga first-round pick sa Washington Wizards ngadto sa Rockets bugti ni Russell Westbrook, mikadlit og 13 puntos uban ang lima ka rebounds, siyam ka assists ug duha ka steals sa iyang pre-season debut uban sa Houston Rockets niadtong Sabado didto sa United Center sa Chicago, Illinois.

Midaog sila pinaagi sa paglubong sa Chicago Bulls sa iskor nga 125-104.

Dili sab kamahayan ang Rockets sa pagbira nila kang four-time All-Star center DeMarcus Cousins bisan naputos kini og injuries lakip na torn ACL nga nibangko kaniya sa miaging season human siya mipirma uban sa Los Angeles Lakers.

Si Cousins, kinsa mipirma og usa ka tuig nga kontrata alang sa veterans minimum uban sa Rockets, adunay 15 puntos, lima ka rebounds, duha ka steals ug duha sab ka blocks.

Sila si Wall ug Cousins nagkauban sa Kentucky Wildcats niadtong 2009-2010.