CEBU, Philippines — Si Gordon Hayward, ang usa sa labing bililhon nga NBA free agent, adto motapon sa Charlotte human kini miuyon sa upat ka tuig nga kontrata uban sa Hornets nga mibalor og $120 million.
Mao kini ang gibuak nga balita sa ESPN nga gikomprimar sab dayon sa Priority Sports, ang ahente ni Hayward.
Nahimong usa ka free agent si Hayward niadtong Biyernes human wala na gamita ang nahibilin niyang usa ka tuig nga player option uban sa Boston Celtics nga nagkantidad og $34.2 million sa umaabot nga season. Mipirma siya og upat ka tuig nga kontrata nga mibalor og $127.8 million uban sa Celtics niadtong 2017, apan gihamok siya sa kanunay og injury. Sa miaging season, si Hayward mi-average og 17.5 points. 6.4 rebounds, ug 4.1 assists sud sa 52 ka duwa sa regular season, apan wala siya makaduwa sa playoffs kay nayayay ang tuo niyang tiil. Mibalik siya og duwa atol sa Eastern Conference finals, apan gipilde sila sa Miami Heat.