Hayward usa ka free agent na

CEBU, Philippines — Usa na ka free agent si Gordon Hayward ug wala pa'y klaro sa pagka karon kon asa nga team siya moduwa  sa umaabot nga 2020-2021 NBA season.

Si Gordon duna pa unta'y usa ka tuig nga kontrata uban sa Boston Celtics nga mibalor og $34.2 million, apan dili na niya gamiton ang iyang player option.

Tungod niini, si Hayward mamahimong usa ka unrestricted free agent. Kini nagpasabot nga makakuha kaniya ang bisan kinsang team pagsugod sa NBA free agency ugmang adlawa.

Si Hayward mi-average og 17.5 poins, 6.7 rebounds ug 4.1 assists sud sa 52 ka duwa uban sa Celtics sa miaging season.

Sa iyang desisyon, ang ugma ni Hayward mao karon ang gisumsoman sa kalibotan sa NBA.

Si Hayward mahimong mopirma og lab-as nga kontrata sa uban sa Celtics, apan puwede sab siyang birahon sa New York Knicks ug Atlanta Hawks nga dunay igong pundo sa ilang kaban.