LaMelo Ball nakigkita sa Wolves

Cebu, Philippines — Si LaMelo Ball, ang potensiyal nga No.1 overall pick sa umaabot nga NBA Draft, nakigkita sa Minnesota Timberwolves dili pa lang dugay.

Ang Wolves mao ang dunay katungod nga mobira sa top pick sa 2020 NBA Draft nga ipahigayon online sa labing unang higayon karong Nobiyembre 18 didto sa ESPN studios sa Bristol, Connecticut.

Atol sa ilang panagtagbo didto sa  Southern California, si Ball gi-interbyu sa mga kadagkoan sa Wolves ubos sa pangu ni head coach Ryan Saunders nga mao sab ang ilang presidente sa basketball operations.

Mao kini ang labing unang miting nga gidawat ni Ball. Sunod semana, gikatakda siyang makighimamat sa Golden State Warriors nga maoy mobunlot sa No.2 pick.

Gipaabot sab si Ball nga mikig-estorya sa Charlotte Hornets ug Chicago Bulls nga maoy mokuha sa No. 3 ug No. 4 picks.

Si Ball, manghod ni Lonzo  Ball nga kasamtangang sakop sa New Orleans Pelicans, miduwa uban sa Illawarra Hawks sa Australian NBL diin siya mi-average og 17.0 points. 7.5 rebounds, 6.8 assists ug 1.7 steals matag duwa.