CEBU, Philippines — Gidawat sa tumang kahinangop sa komunidad sa boksing dinhi sa Sugbo ang pagsugod og balik sa pro boxing sa nasud nga aprubado sa Inter-Agency Task Force (IATF) segun sa rekomendasyon sa Games and Amusements Board (GAB).
Apan giklaro ni GAB chairman Baham Mitra nga ang mga away tugotan lamang sa mga lugar ubos sa MGCQ (modified general community quarantine) lagmit karong Agosto ubos sa estriktong patakaran sa kaluwasan ug panglawas nga iplastada sa kagamhanan.
Bisan pa man niini, ang kasiguroan nga mabalik na ang aksiyon sa ring sa dili madugay usa ka butang nga gilantaw sa unahan mga anaa sa kalibotan sa boksing.
"It’s a very good news for all of us in the boxing industry, most especially to our prize fighters and the fans. It will give hope to those who feel forlorn because of this very hard situation that we are all in. Big Yellow boxing team has always been optimistic that we can rise back up," matud pa sa magtiayong Seth ug May Tio sa Big Yellow Promotions.
Si Brix Flores, ang chief trainer sa Noy Pacing Flores Boxing Academy sa Dakbayan sa Mandaue ug si Professional Boxing Officials (PBO)-Central Visayas President Arnie Najera parehong nangalipay ning maong kalamboan.
"Nalipay ko sa ani nga development. At least makasugod na og balik ang boksing bisag sa MGCQ lang nga mga lugar," matud pa ni Flores. "Makatabang na pud ni sa panginabuhi namo nga naa nagsalig ra sa boksing. Salamat pud sa taga-GAB nga naninguha pud nga mabalik na ang boksing."
"Boxing is back. A good news as this means our brothers - boxers, trainers and matchmakers - can start earning a living again," sumala pa ni Najera. "I hope we all abide by the protocols so that we can achieve the level of confidence of the government where a more relaxed and more liberal holding of boxing events will be allowed eventually."
Si Omega Gym head coach Julius Erving Junco dugay nang pangagpas nga mabarog og balik ang boksing sa mga tiil niini human ma-knockdown sa bagsik nga virus sud sa upat na ka bulan.
"I'm so excited because we haven't seen action in the ring for quite a while now," batbat pa ni Junco. "Our fight card is ready and once the GAB and IATF give us the go signal to promote, we will go ahead with it anytime."
Sa iyang bahin, si ALA Gym manager Edito Villamor nagkanayon nga makabalik man tuod ang boksing, apan dili na kini susama pa sa miagi gumikan kay ang hulga sa virus anaa man sa kanunay.
"Magpasalamat mi sa ITAF ug sa GAB nga OK na ang boxing sa MGCQ areas. Nalipay mi nga na-approve sa pagpaningkamot sa atong GAB Chairman nga si Baham Mitra," sumala pa ni Villamor. "Pero dili pa gihapon normal ang sitwasyon kay naa man gihapon ang virus.
Lisud gyud kaayo karong panahona nga ma-normalize ang tanan dili lang sa boksing, apan hasta sab sa atong adlaw nga panginabuhi kay naa pa man ang kahadlok sa mga tawo."