CEBU, Philippines — Sila si PBA legends Alan Caidic ug Abet Guidaben mapasigarbuhon nga nagiyahan sila og mga grandslam coaches sa panahon diin sila misidlak isip usa sa labing sikat nga mga basketbolista sa nasud.
Matud pa ni Caidic nga siya lamang ug si Guidaben maoy duha ka players sa kasaysayan sa PBA nga nakaduwa ubos sa duha ka mga grandslam coaches. Ang gipasabot ni Caidic mao sila si Baby Dalupan ug Tommy Manotoc.
Si Dalupan unang na-grandslam uban sa Crispa Redmanizers niadtong 1976. Misunod si Manotoc nga na-grandslam sab samtang gidala ang Crispa niadtong 1983.
Si Caidic nga gibansagan og “The Triggerman”, nakaduwa ubos sa direksiyon ni Dalupan sa labing una niyang PBA team nga Great Taste/Presto Tivoli.
Sa katapusan niyang tuig sa Gotao franchise, si Manotoc na maoy iyang coach.
Samtang si Guidaben nakaduwa ubos nilang Dalupan ug Manotoc sa dihang ang duha ka coaches na-grandslam niadtong 1976 ug 1983.