CEBU, Philippines — Nagkainit ang miulbong panagbangi tali nilang boxing legend Oscar de la Hoya ug UFC superstar Conor McGregor.
Sa dihang nahinabi sa CBS Sports, si De la Hoya nagkanayon nga kon ugaling mag-abot ang ilang dalan ibabaw sa ring, iyang pakamangon si McGregor sud lamang sa duha ka hugna.
Apan dali sab nga miresbak si McGregor pinaagi sa pagsuwat sa iyang Twiter nga iyang gidawat ang hagit sa giyukboan nga 'Golden Boy' sa boksing.
Nagsugod ang gusot tali sa duha ka bitoong mga boksidor human namahayag si De la Hoya nga ang away nilang McGregor ug Floyd Mayweather Jr. niadtong 2017 usa ka dakong insulto sa boksing.
Ang 47-anyos nga si De la Hoya miretiro sa boksing niadtong 2008 human siya kulataha ni Manny Pacquiao.
Iyang gibawon ang 39-6 record uban ang 30KOs.