CEBU, Philippines — Gibutyag ni Hall of Famer Patrick Ewing nga ang duha niya ka Olympic gold medals, ingon man ang iyang college basketball championship ring gikawat sa mga kawatan nga mitira sa ilang balay pipila ka tuig na ang milabay.
Matud pa ni Ewing nga ang usa sa mga gold medals iyang nadaog isip kabahin sa 1992 "Dream Team" nga nakampiyon sa Barcelona Olympics.
Nakuha sab sa mga kiriwan og kamot ang iyang 1984 Olympic gold medal ug ang iyang NCAA championship ring uban sa Georgetown.
Si Ewing nga mao na karon ang head coach sa Georgetown, nagkanayon nga iyang narekober ang iyang college championship ring sa dihang gibaligya kini sa eBay. Samtang napulihan ang iyang mga Olympic gold medals human iyang gitawgan si USA Basketball director Jerry Colangelo. Si Ewing nakaduwa og 17 ka seasons sa NBA, sagad niini uban sa New York Knicks diin siyang nahimong All-Star sud sa 11 ka higayon.