CEBU, Philippines — Gikataho nga si Chicago Bulls legend Michael Jordan dili modawat bisan og usa ka sentimo gikan sa kita sa 10 ka serye niyang documentary sa ESPN nga giulohan og "The Last Dance".
Matud pa ni Kurt Badenhausen sa Forbes, si Jordan gibana-bana nga mokita og $3 million ngadto sa $4 million, apan iya kining idonar sa charity.
Ang "The Last Dance" nagsaysay sa kampanya ni Jordan ug Bulls niadtong 1997-1998 NBA season diin sila naglaraw sa ikaunom nilang kampiyonato sud sa walo ka tuig.
Ang nag-unang duha sa 10 ka bahin nga serye gipasalida na sa Amerika niadtong Domingo pinaagi sa ESPN ug sa tibuok kalibotan niadtong Lunes pinaagi sa Netflix.
Tataw nga ang "Last Dance" naghatag og tayming kaayong kalingawan sa mga sports fans tibuok kalibotan taliwala ning gipatuman nga quarantine gumikan sa coronavirus pandemic.
Mao kini ang hinungdan nganong imbes sa orihinal niining iskedyul karong Hunyo, gipasalida ni Jordan og sayo ang iyang iyang dokumentaryo.