PBA All Stars magpabilin ubos sa bag-ong format
CEBU, Philippines — Tataw nga ang Philippine Basketball Association (PBA) maglisud sa pagpadayon sa regular niining iskedyul karon nga season gumikan sa kakulian sa panahon.
Gumikan niini, si PBA commissioner Willie Marcial miingon nga ila unang ihikling ang pipila nila ka mga kalihukan ug lagmit mopahigayon sila og duha o dili ba kaha usa na lamang ka torneyo ning PBA Season 45 depende sa sitwasyon.
Apan miangkon si Marcial nga dunay usa ka pasundayag nga dili nila mahimong tangtangon ug kini mao ang PBA All-Star weekend.
"Hindi basta-basta pwedeng tanggalin ang All Stars because it's really for the fans and it generates fun d that we turn to the Players Thrust Fund," matud pa ni Marcial segun sa taho sa PBA.ph.
"Kaya kung tanggalin man namin ang All Stars, kailangan hanapan ng kapalit na event; pero mahirap hanapan ng kapalit yon," dugang pa niya.
Kon wala pa masuspenso ang liga gumikan sa coronavirus pandemic, ang PBA nagsugod na unta sa ilang botasyon alang sa 2020 PBA All-Star Game nga buot nilang ipahigayon didto sa Passi, Iloilo.
Gibutyag ni Marcial nga kon ugaling mabalik na ang aksiyon sa PBA, nagplano sila mga mohimo og bag-ong format sa All Stars subay sa ilang katuyoan nga mao ang paghatag og hinabang niadtong mga nanginahanglan.
- Latest
