CEBU, Philippines — Usa pa lang ka duwa, apan ang Samahang Basketbol ng Pilipinas (SBP) nagtuo nga hayag ang kaugmaon sa batan-ong Gilas Pilipinas tungod sa gipakitang katakus niini atol sa ilang 100-70 nga kadaogan batok Indonesia sa pagsugod sa FIBA Asia Cup-2023 World Cup qualifiers niadtong Domingo.
Si SBP president Al Panlilio miingon nga wala sila magmahay pagporma og batan-ong koponan nga gilangkuban sa mga PBA rising stars ug amateur standouts tungod kay naklaro karon kon unsa ang kaugmaon sa nasudnong koponan.
Usa sa mga mikawat sa atensiyon sa maong duwa mao si Thirdy Ravena, maguwang nga si Kiefer, CJ Perez ug Cebuano RR Pogoy.
Si Panlilio nagkanayon nga wala sila'y usbon sa line-up alang sa duha ka duwa sa Gilas sa Nobiyembre 27 ug 30 batok sa Thailand ug South Korea.