CEBU, Philippines — Saludo ang mga coaching staff sa Gilas Pilipinas ngadto sa veteran nga si Marc Pingris kinsa nagpabilin sa national team training camp taliwala sa pag-atras sa pipila na ka bigmen tungod sa managlahing rason.
Si Gilas assistant coach Tab Baldwin miingon nga dakong butang nga gipakita ni Pingris kung unsa niya gihatagan og importansya ang pagsilbe sa national team. Si Pingris dili na sama kalig-on kaniadto tungod sa injury, apan ang Gilas nagkinahanglan sa iyang kasinatian ug sa pagiya usab niya sa mga batan-ong bigmen sa national team.