Morant nag-unang kandidato pagka-'roy'

CEBU, Philippines — Si Ja Morant sa Memphis Grizzlies maoy kasamtangang nag-una sa karera pagka-Rookie of the Year ning NBA season.

Nindot kaayo ang gipakitang mga numero ni Morant sa matag salida niya sa Grizzlies. Gani atol sa 121-107 nilang kadaogan batok sa Dallas Mavericks niadtong Huwebes, mipasud siya og 10 sa 12 niya ka itsa aron pagkadlit og 21 puntos. 

Nagsunod ni Morant mao si Zion Williamson sa New Orleans Pelicans. Ang No. 1 overall pick sa miaging NBA Draft mi-average og 21.7 points sa nag-una niyang upat ka duwa hinundan nga kalit misulbong ang iyang pangan sa mga kandidato alang sa ROY award.

Nahimutang sa ikatulo hangtod sa ikalimang dapit mao sila Kendrick Nunn sa Miami Heat, Michael Porter Jr. sa Denver Nuggets ug Darius Garland sa Cleveland Cavaliers.

Naglangkob sa top 10 sa labing hait nga mga rookie karon nga season mao sila si Terence Davis sa Toronto Raptors, sa Kevin Porter Jr. sa  Cavaliers, Tyler Herro sa  Heat, DeAndre Hunter sa Atlanta Hawks ug Brandon Clarke sa Memphis Grizzlies.