CEBU, Philippines — Gipagawas kagahapon sa Samahang Basketbol ng Pilipinas (SBP) ang 24-man nga pilian alang sa Gilas Pilipinas nga moduwa sa FIBA Asia Cup qualifiers nga sunod bulan.
Ang Gilas moduwa nga wala na'y import dihang wala na nila kuhaa si Andray Blatche, apan si NorthPort Batang Pier star Christian Standhardinger maoy magsilbe nga bag-ong naturalized bigman sa koponan
Una nang ginganlan ang mga Gilas cadets nga sila si Isaac Go, Matt, Mark Nieto, Allyn Bulanadi, Kobe Paras, Justine Baltazar, Dave Ildefonso, Javi Gomez de Liano ug Cebuano Rey Suerte sa mga bag-ong dagway sa national team pangandam sa FIBA World Cup 2023.
Nakahuna-huna hinuon ang SBP nga sagolan og mga beterano ang team aron mas mabaid sila ug aduna usab kasinatian ang Gilas nga mosung didto sa Thailand.
Naglakip sa PBA veterans mao sila si Ray Parks, Troy Rosario ug Roger Pogoy sa TNT KaTropa, Kiefer Ravena sa NLEX Road Warriors, Mac Belo sa Blackwater Elite, Matthew Wright sa Phoenix Fuel Masters ug Japeth Aguilar sa Barangay Ginebra Kings.
Anaa usab ang bangigitang rookie sa Columbian Dyip nga si CJ Perez.
Surprisa hinuon ang pagbutyag sa SBP nga mobalik sa national team si Magnolia Hotshots forward Marc Pingris nga dugay na nga miretiro sa Gilas.
Ang maong mga players magbansay na og sugod sunod semana.