Griffin gi-operahan sa walang tuhod
CEBU, Philippines – Dugay-dugay pa nga makabalik og duwa ang sinaligan sa Detroit Pistons nga si Blake Griffin human gi-operahan ang na-injured niining walang tuhod kagahapon.
Sa opisyal nga pamahayag, ang Pistons mipahibalo nga ang 30-anyos nga si Griffin mogahin og taas nga panahon alang sa iyang rehabilitasyon.
Si Griffin nga gi-operahan sab ang susamang tuhod niadtong Abril sa miaging tuig, nakaduwa lamang og 18 sa 39 ka duwa sa Pistons karon nga season. Katapusan siyang nakapakita og aksiyon batok sa San Antonio Spurs niadtong Disyembre 28.
Sa tibuok niyang karera, ang six-time All-Star gihamok sa kanunay sa problema sa iyang tuhod. Na-operahan ang tuo niyang tuhod niadtong 2016 ug wala siya makaduwa sa kinatibuk-ang bahin niadtong 2009-2010 season kay nakahiagum og angol sa iyang tuhod.
- Latest
