Pringle paglaum sa Ginebra sa finals
CEBU, Philippines — Masaligon si Barangay Ginebra Kings coach Tim Cone nga midako ang ilang tsansa nga makampiyon pag-usab sa PBA Governors Cup tungod sa presensiya ni Fil-American Stanley Pringle.
Si Pringle mohimo sa labing una niyang finals appearance ug naghinam-hinam na siya nga motampo og dako sa Ginebra nga makigbangga sa Meralco Bolts sa 'best-of-seven' finals series nga sugdan karong Martes didto sa Smart Araneta Coliseum.
Miingon si Cone nga solido ang Ginebra tungod kay anaa usab nila si import Justin Brownlee, LA Tenorio, Japeth Aguilar ug Scottie Thompson. Apan mas milig-on ang iyang line-up tungod ni Pringle nga nahimong leading local scorer sa koponan sa elimination round.
"Stanley's been quite a good addition for us," matud ni Cone sa Philippine STAR. "He changes the game for other defenses and kind a make everybody better around him."
Dugang pa ni Cone nga suwerte sila tungod ni Pringle tungod kay sangkaon nila pag-usab ang Meralco nga milig-on sab tungod sa mga bag-o nilang sinaligan nga silang Allein Maliksi ug Raymond Almazan.
- Latest
