UC mipasidungog sa atleta, coach sa SEA Games
CEBU, Philippines — Gipasidunggan ug gihatagan og cash incentive sa University of Cebu (UC) si Elreen Ando, ang silver medalist sa 30th Southeast Asian Games nga bag-o lang natapos.
Mismo si UC president Atty. Augusto Go ang mitunol sa plaque of recognition ug P100,000 nga salapi ngadto ni Ando, kinsa usa na karon sa mga gisaytan nga pambato sa nasud sa weightlifting uban ni Olympic silver medalist Hidilyn Diaz alang sa 2020 Tokyo Olympics.
Si Go misaad nga padayon silang mosuporta ni Ando alang sa Olympics.
Gawas ni Ando, laing mga gipasidunggan sa UC ang iyang coach nga si Ramon Solis ug UC nursing student nga si Pamella Jane Ruiz.
Si Ruiz mirepresentar sa nasud sa mountain bike event sa SEAG, apan wala kini makakuha og medalya.
Bisan pa niini, mapasigarbuhon ang tibuok UC ni Ruiz sa pagprepresentar niya sa nasud.
Ang UC una na nga mihatag og thanksgiving celebration sa tanan nilang atleta nga miduwa dala ang pangan sa tunghaan karong tuiga sa mga nagkadaiyang torneyo.
- Latest
