Cone supak pagtandi sa Gilas Seag ug world cup
Cebu, Philippines — Supak si multi-titled coach Tim Cone sa pagtandi sa iyang gidala nga Gilas Pilipinas nga midaog og gold sa SEA Games ug sa Gilas team ni coach Yeng Guiao nga walay daog sa miaging World Cup qualifiers.
Kini ang reaksiyon ni Cone human sa pamahayag ni Indonesian coach Rajko Toroman, kinsa miingon nga mas lig-on ang Gilas nga ilang gikaduwa sa SEA Games kaysa sa Gilas nga miduwa sa World Cup didto sa China.
"You just cannot compare this team with the team that went to the World Cup because the level of competition is completely different," matud ni Cone sa Sports5.
Sa iyang bahin, si Kiefer Ravena nga usa sa mga players nga miduwa sa SEA Games ug World Cup miingon gipahinungod niya ang iyang gold medal ngadto ni Guiao, kinsa maoy iyang coach sa NLEX.
- Latest
