Amit abante sa quarters sa SEA Games billiards

CEBU, Philippines – Garbo sa Sugbo nga  si Rubilen Amit misud sa quarterfinals sa billiards event sa 30th Southeast Asian Games  human niya gipilde si Nuanthakhamjan Sirapaporn sa Thailand, 7-5 kagahapon didto sa Manila Hotel.

Nabutang sa peligro si Amit human malubong,  0-4, apan giharos niya ang nahibiling mga racks aron makawat ang daog.

Ang kanhi 10-ball world champion nga si Amit laraw nga mosakmit sa ikatulo niyang sunod-sunod nga SEAG gold medal.

Sunod kontra ni Amit mao si Bui Xuan Vang sa Vietnam.

Si Vang  midaog sab human gisirohan si Wong Poi Sei sa Malaysia, 7-0 sa first round.