TNT Katropa naghinam-hinam na sa pagduwa ni Parks

CEBU, Philippines — Naghinam-hinam na ang tibuok koponan sa TNT KaTropa sa pag-abot ni Fil-American sensation Ray Parks Jr. nga ilang nabira gikan Blackwater Elite pinaagi sa trade.

Niadtong Domingo sa gabii, hingpit nga gi-aprobahan ni PBA Commissioner Willie Marcial ang maong trade diin gihatag sa TNT sila si Don Trollano ug Anthony Semerad uban ang usa ka future draft picks ngadto sa Elite bugti sa kanhi ABL MVP.

Ang KaTropa segurado na sa playoffs sa ilang 7-1 win-loss record sa PBA Governors' Cup, apan mas mihayag ilang tsansa alang sa kampiyonato tungod sa presensiya ni Parks nga mi-average og 20.1 points ug 5.0 rebounds sa una niyang PBA season.

Bisan pa og usa ka PBA rookie, si Parks adunay taas nga kasinatian sa UAAP, ABL ug NBA D-League diin miduwa siya og usa ka season. Si Parks mohimo sa iyang TNT debut karong Biyernes batok sa Barangay Ginebra.

Show comments