CEBU, Philippines — Nagmadaugon ang upat ka bag-ong teams pagsugod sa FYA Basketball Tournament Season 24 Soontit Construction Inc. Cup 2019-2020 niadtong Domingo sa buntag didto sa Atillo gym sa Punta Princesa, Cebu City.
Unang midaog mao ang Bro J Bakery dihang ilang gipilde ang laing bag-ong team nga Pub Gee Resto Bar, 57-52.
Responsabli sa maong kadaogan mao si Justine Urot nga miburak og 16 puntos nga gipalamanan og walo ka rebounds ug unom ka assists aron ilhong best player of the game.
Ang Bro J Bakery nakakuha sab og suporta ni Ranel Patalita nga misansan og 11 puntos.
Si Mervin Manila mao sab ang nangu sa Pub Gee Resto Bar nga mitagay og 12 puntos.
Gilihian sab og daog ang Central Ice Cream/Nevaeh Sales Trading dihang ilang gipabugnaw ang Yoyi's Pastries & Desserts, 66-57.
Ang best player nga si Emman Reubal maoy nangu sa Central Ice Cream/Nevaeh Sales Trading pinaagi sa iyang 17 puntos, unom ka rebounds ug upat ka assists. Si Dodie De Gracia miamot og 12 puntos sa Central Ice Cream/Nevaeh Sales Trading miposte og 44-42 sa halftime.
Sila si Jao Rabadon ug Roland Canoy nagkumboya'g 31 puntos aron mangu sa Yoyi's Pastries & Desserts.
Lain pang midaog mao ang Masterline batok sa Harold's Hotel, 59-55.
Mirehistro og 11 puntos, walo ka rebounds ug unom ka assists si Socrates Aglipa aron pangulohan ang Masterline ug aron sab nga ilhong best player.
Si Baeng Medalle maoy nangu sa Harold's Hotel sa iyang 15 puntos, gisundan ni Nene Billiones nga adunay 12 puntos.
Ang Purefit Gym nakaeskapo bitbit ang 77-74 nga kadaogan batok sa AVTES.
Ang team manager nga si Mclain Alkuino maoy nangunay pagpangu sa iyang koponan pinaagi sa iyang 22 puntos, unom ka rebounds ug lima ka assists nga igo na kaayo aron ilhon siyang best player
Si Dexter Caballero mitala og 17 puntos, samtang si Jade Ursal mipugnit og 14 puntos aron mangu sa AVTES.
Puntos matag usa
Unang duwa:
BRO J BAKERY (57) – J. Urot 16, Patalita 11, R. Dela Peña 9, V.A. Ensong 8, J. Arrgelo 6, J. Flores 4, N. Arias 4, C. Laud 2.
PUB GEE RESTO BAR (52) – M. Manila 12, J. Ursal 8, I. Regudo 7, L. Mirasol 7, B. Patricio 5, J. Enriquez 5, J.N. Bucayan 2, J. Silvano 2, B. Duran 2.
Ikaduhang duwa:
CENTRAL ICE CREAM/NEVAEH SALES TRADING (66) – Reubal - 17, De Gracia - 12, K. Dela Peña - 8, J. Angkos 6, N. Medalle 5, J. Tejada 4, M. Ancla 4, T. Marata 4, T. Abella 4,
D. Miano 2.
YOYI'S PASTRIES & DESSERTS (57) –Rabadon 21, Canoy 10,
J. Aglipa 8, C. Cababahay 5, S. Enriquez 4, J. Salvador 3, W. Auditor 2.
Ikatulong duwa:
MASTERLINE (59) –
S. Aglipa 11, G. Tandoy 9, J. Engaling 8, S. Lumagbas 6, J. Jabonero 5, F. Paracuelles 5, R. Perami 4.
HAROLD'S HOTEL (55) – B. Medalle - 15, N. Billones 12, E. Jumantoc 8, S. Cal 8, R. Arias 3, C. Arnado 3, J. Celestial 2, C. Villacastin 2, N. Laborte 2.
Ikaupat nga duwa:
Pure Fit Gym (77) – M.Alkuino 22, Wilson Gabucan 12, Janry Stella 11, V. Ramirez 9, A. Montillero 8, J. Rara 7, G. Aguilar 4, K. Cabreros 2.
AVTES (74) – D. Caballero 17, Jade Ursal 14, W. Dacayana 9, J. Sydiongco 8, J. Biaño 8, R. Villaver 8, R. Dechosa 7, B. Tabaña 4, R. Laput 2.