CEBU, Philippines – Bag-o lang midaog og bulawang medalya sa World Championship, apan ang gymnast nga si Carlos Yulo mipakita nga seryoso siya nga mosakmit og gold medal sa Southeast Asian Games sunod bulan dihang milarga siya sa Japan alang sa usa ka training camp.
Si Yulo sayod nga siya ang top contender sa SEA Games nga anhi ipahigayon sa nasud, apan dili siya mokompiyansa hinungdan nga mibiyahe siya sa Japan diin mag-ensayo siya uban ni Japanese coach Munehiro Kugimiya.