CEBU, Philippines — Dako og salig ang bag-ong Gilas Pilipinas coach Tim Cone sa iyang 15-man lineup nga gipili nga morepresentar sa nasud sa Southeast Asian Games ug kompiyansa siya nga makuha nila ang gold medal bisan wala pa si Andray Blatche.
Ang Gilas moduwa nga walay naturalized player di sama sa Indonesia nga mikuha sa serbisyo sa veteran import nga si Denzel Bowles isip ilang sentro.
Hinuon si Cone wa malisang bisan og pulos Pinoy ang moduwa. "We are not getting Blatche. We are going all-Filipino," matud pa ni Cone sa ESPN5.
Si Blatche katapusang miduwa sa World Cup, apan ang coaching staff sa Gilas ug Samahang Basketbol ng Pilipinas miklaro nga dili na nila kuhaon ang serbisyo niini sa SEA Games.
Si Cone nagtuo nga dili sila mabintahaan sa gitas-on ug gidak-on ilabi na nga anaa sa usa ka koponan sila si Junemar Fajardo, Greg Slaughter ug Christian Standhardinger.
Sa iyang bahin, si SBP president Al Panlilio mitug-an nga walay seguro kung makabalik pa ba og duwa si Blatche uban sa Gilas tungod usab sa ngil-ad niining performance sa miaging World Cup didto sa China.