CEBU, Philippines — Misaad si heavyweight champion Andy Ruiz Jr. nga mokulit og laing kasaysayan sa dihang iyang sangkaon pag-usab si Anthony Joshua karong Disyembre sa kontrobersiyal nilang rematch didto sa Saudi Arabia.
Sa maong away, si Ruiz modepensa sa IBF, WBA ug WBO titles nga iyang giharos human patikangkanga ang inilog kaayong si Joshua didto sa New York niadtong Hunyo.
"I know Anthony Joshua is coming hard, he's coming strong. He's preparing hard, but so am I," matud pa ni Ruiz.
"December 7, I'm going to make another history and I'm going to win here in the same fashion that I won June 1."
Apan si Joshua nagkanayon nga kutob lamang karong Disyembre 7 ang paghari ni Ruiz.
Si Joshua naglungot-lungot nga mobawos ni Ruiz aron angkunon og balik ang trono nga giilog niini gikan kaniya.
"Andy is champion now. That will last until December 7 when he puts his titles in the air," bahad pa ni Joshua. "Two warriors to go war and the best man will walk out victorious."