Tag-iya sa RJ Store nag-wild, mitipi sa Snipers

CEBU, Philippines – Nag-wild ang team owner sa RJ Store nga si Louie Pepito diin siya mipatuasik og 18 puntos aron pangulohan ang iyang koponan nga mitipi sa Simborio Snipers sa CLBA Season 3 Basketball Tournament niadtong Biyenes didto sa GT Academy gym sa Tayud, Lilo-an.

Ang RJ Store nga aduna na'y 2-2 nga baraha nakakuha sab og igong suporta gikan ni Raymund Flores nga mirehistro og 16 puntos. Si Bebe Armian miamot og 12 puntos sa RJ Store nga miposte og 29-12 nga bentaha sa first period.

    Sila lang si Rey Judilla ug Alfie Pilapil ang miiskor og double figures sa Simborio Snipers nga parehong mikadlit og 10 puntos.

Sa laing bahin,  ang Jonghap nakaipsot sa kulbahinam nga duwa batok sa CMG, 76-73.

Upat ka Jonghap players ang mirehistro og double digits pinangulohan nilang Arthur Pitogo ug Mael nga parehong miantog og 18 puntos.

    Alkanse og otso puntos ang Jonghap sa first period sa iskor nga 11-19, apan nakabawi sila sa second quarter ug nakaigwalis, 30-all sa halftime hangtod nga nailog ang labaw, 53-48 dayon na pagposte og tres puntos nga daog.

Ang liga namugna pinaagi sa paningkamot sa presidente niining si Arnold Labustro.

Ang mga duwa nga gipadagan ni league commissioner Fury Trazona gipaluyohan Union Galvasteel isip major sponsor.

PUNTOS MATAG USA

Unang duwa:

    RJ Store (78) – L. Pepito 18, Flores 16, Armian 12, Cdu Pepito 8, Baring 6, Sison 5, Villaronza 4, Pepito 4, Rojo 2.

SIMBORIO Snipers (68) – Judilla 10, A. Pilapil 10, Tuñacao 7, Molo 6, Icot 6, Menchavez 5, Guba 4, Pilapil 4, Cuyos 4, Labus 3, Camino 2.

Ikaduhang duwa:

JONGHAP (76) – Pitogo 18, Mael 18, Pilapil 12, Red 11, Moreon 8,

CMG (73) – Alinsug 23, Mantos 14, Labustro 13, Lozano 9, Ibale 9.