Compton mibiya sa Alaska Aces

CEBU, Philippines – Mibiya sa poder sa Alaska Aces si  veteran coach Alex Compton  human sa lima ka tuig niya nga pagtimon sa koponan.

Mismo si Alaska owner Wilfred Uytengsu ang mikompirmar sa pag-resign ni Compton ug gikaguol niya tungod kay dako ang natampo sa American coach sa ilang prangkisa.

"We are very sorry to see Alex leave the team. He had a tremendous impact on the team and was very concerned with the players' well-being on and off the court," matud pa ni Uytengsu sa ilang gipagawas nga official statement sa social media.

Ubos sa giya ni Compton, ang Alaska misud sa PBA finals sa lima ka higayon ug ang katapusan mao ang ilang pakigsangka sa Magnolia Hotshots alang sa 2018 PBA Governors Cup championship. Pakyas hinuon si Compton paghatag og titulo sa Aces sud sa maong lima ka finals appearance.

Mohulip ni Compton isip head coach sa Aces ang iyang assistant ug PBA legend nga si Jeffrey Cariaso.

Show comments