CEBU, Philippines – Nangangkon si Floyd Mayweather Jr. nga gibayran siya og $2.2 million (P110 million) sa pagpanungog lamang niini sa 'rematch' nilang Manny Pacquiao.
Ang gipasabot ni Mayweather mao ang usa ka video nga mikatap sa social media niadtong Lunes diin siya makita nga mikompirma sa iyang biyahe didto sa Saudi Arabia aron mopahigayon og negosasyon sa mga interesado kabahin sa potensiyal nga 'rematch' nilang Pacquiao.
Apan mismo si Mayweather ang mihimakak nga molarga siya sa Saudi dayong ingon nga karaan na ang maong video ug dili na mahitabo nga mag-abot pa sila og usab ni Pacquiao ibabaw sa ring.
Ang makapakurat mao ang pamahayag ni Mayweather nga gibayran siya og milyones dolyares aron buhaton ang maong video clip nga milanat lamang og 10 segundos aron sungugon si Pacquiao.
"There is a video circulating that I made 8 months ago about a “MAYWEATHER-PACQUIAO” REMATCH. I got paid $2,200,000 to make the video. The truth is, the fight will never happen again. Now, swipe left and look at the money that got wired to me for the video. Now, who’s the smart one ? I’m making millions just for 10 second video drops," pasiatab pa ni Mayweather segun sa taho ni Gavin Evans sa, Complex.com.