CEBU, Philippines — Wala gyu'y suwerte si NBA All-Star Carmelo Anthony tungod kay gawas sa mga NBA teams, wala sab siya kuhaa sa Team USA nga moduwa sa FIBA World Cup didto sa China.
Ang kampo ni Anthony miduol sa kadagkoan sa koponan, apan giingnan sila ni USA Basketball managing director Jerry Colangelo nga wala na sila'y luna alang ni Anthony, ang all-time leading scorer sa kasaysayan sa Team USA.
Si Anthony nakatabang sa USA pagsakmit og tulo ka gold medals atol sa 2008, 2012 ug 2016 Olympics.
Ang 35-anyos nga si Anthony mamasin unta nga moduwa sa Team USA human miatras ang ubang NBA superstars sa World Cup.
Ang 10-time All-Star nga si Anthony nangandoy gihapon nga makaduwa sa sunod season sa NBA.