Mga Cepcans magtigi karong Domingo
CEBU, Philippines – Mag-engkuwentro na sab ang mga Cepcans sa hiniusang Hunyo ug Hulyo nga edisyon sa Cebu Executives and Professionals Chess Association (CEPCA) monthly tournament karong Domingo diha sa The Barracks Chess Club sa Robinsons Galleria Cebu.
Ang makampiyon mobulsa og P1,500, samtang ang mopahiluna sa ikaduha hangtod sa ikalimang dapit makadawat og P1,000, P700, P500 ug P300.
Gawas sa ganting salapi, ang nag-unang duha ka mga mananaog makig-uban nilang Vince de la Torre, National Master Rogelio Enriquez, Amado Olea, Rosendo Yamyamin, ug Reynaldo Flores sa grand finals nga gibansagan sab og "Battle of Champions" karong Disyembre.
Eksklusibo lamang hinuon ang maong torneyo sa mga sakop sa CEPCA, kiddies ug lady players.
Ang rehistrasyon nagkantidad og P100 sa ladies ug kiddies ug P200 sa Cepcans.
- Latest
