Dili makig-rematch

CEBU, Philippines – Bisan gamay walay interes si Floyd Mayweather Jr. nga makig-rematch sa Pinoy niyang  karibal nga si Manny Pacquiao.

Matud pa ni Leonard Ellerbe, ang chief executive sa Mayweather Promotions ngadto sa boxingscene.com nga bisan og unsa pa kadako ang kantidad nga itanyag ni Mayweather dili mahitabo nga mohaw-as kini gikan sa iyang  pagkaretirado aron makigsangka pag-usab ni Pacquiao.

"Floyd has no interest," insister pa ni Ellerbe. "He has zero interest. He’s been doing this  all  his  life. And after a while, you get burned   out.  He's    given the sport everything."

Midugang si Ellerbe nga si Mayweather malipayon kaayo sa kasamtangan niining estado. 

Gitagbaw ni Mayweather ang iyang kaugalingon sa pagbiyahe ug paglulinghayaw sa mga maanindot nga dapit sa kalibotan kauban ang iyang pamilya agi'g pahalipay sa iyang kaugalingon gumikan kay   misulod   man dayon  siya sa kalibotang sa  boksing sa linghod  pa  kaayong edad  nga  singko anyos. "He's doing all the things that he never got a chance to do because boxing has consumed his life ever since he was 5 years old," pasabot pa ni Ellerbe.

Si Mayweather gibana-bana nga mikita og  $300 million  sa "Fight of    the  Century" nilang Pacquiao niadtong 2015 nga kontrobersiyal kaayo, apan mikulit og rekord isip labing dako nga away sa kasaysayan sa boksing.