CEBU, Philippines – Gibuksan ni Barangay Ginebra Kings coach Tim Cone ang pultahan alang ni kanhi All-Star Jared Dillinger nga usa na ka free-agent.
Si Dillinger nimugna og kasikas sa PBA sa miaging adlaw human niya gipahibalo nga usa na siya ka free-agent. Wala pa sa'y klaro kun mopirma ba og laing kontrata si Dillinger sa Meralco Bolts.
Bisan og wala pa'y pormal nga pahibalo gikan sa Ginebra, si Cone namahayag nga ikalipay niya kun madugang si Dillinger sa iyang koponan. Gamit kaayo si Dillinger sa Ginebra ilabi na nga adunay injury ang usa sa mga guwardiya niini nga si Jeff Chan. Beterano na sab ang 6-foot-4 nga si Dillinger nga 11 ka tuig nga niduwa sa PBA.
Kini ang labing unang higayon nga moduwa si Dillinger sa usa ka koponan nga wala gipanag-iya sa MVP Corp. Una siyang niduwa sa TNT KaTropa sa wala pa mibalhin sa Meralco Bolts.
Sa miaging All-Filipino Cup, si Dillinger mi-average og 7.8 points, 5.2 rebounds ug 1.2 assists bisan limitado iyang playing time uban sa Meralco.