CEBU, Philippines — Misalmot na sa una niyang team practice sa Blackwater Elite si Ray Parks Jr. ug giila dayon siya nga bag-ong team captain.
Si Parks mipakita dayon sa iyang katakus ug iyang kasinatian uban sa Blackwater teammates.
Si coach Aris Dimaunahan miingon nga si Parks angayan nga mahimong lider tungod kay gawas sa abilidad niini, taas usab ang kasinatian isip kanhi player sa NBA D-League ug two-time MVP sa Alab Pilipinas. Ang Blackwater mangandam alang sa PBA Commissioner's Cup diin si Alex Stephenson ang ilang import.