Sweep laraw sa Celtics
Laraw sa Boston Celtics nga maoy labing unang koponan nga moabante sa second round sa playoffs pinaagi sa pagharus sa Indiana Pacers sa Game 4 sa ilang best-of-seven series.
Ang Celtics naglabaw og 3-0 ug mismo ilang star player nga si Kyrie Irving ang mitug-an nga mas pabor kanila nga sayung matapos ang Pacers aron makapahuway sila alang sa sunod nilang kaatbang.
Higante import sa Blackwater
Seryoso ang Blackwater Elite nga makabawi sa sunod conference human usa ka 6-foot-10 center ang ilang gikuha alang sa PBA Commissioner's Cup.
Ang Blackwater nga wala kasud sa playoffs sa All-Filipino mikuha ni Alex Stephenson kinsa makigduwa uban sa Fil-Am sensation nga si Ray Parks Jr.
Pinas misaka sa FIBA ranking
Misaka gikan sa rank 32 ngadto sa rank 31 ang Pilipinas sa 2019 FIBA 3X3 rankings nga gipagawas kagahapon.
Kini nagpakita sa kusug nga potensyal sa nasud nga mamahimong kusug nga puwersa sa 3X3. Ang Samahang Basketbol ng Pilipinas mipakusug sa programa sa nasud sa 3X3 basketball.
- Latest
