Wala na'y 'mismatch'

CEBU, Philippines — Gipahibalo ni Games and Amusement Board chairman Abraham Mitra nga mas estrikto na sila sa pagtan-aw sa mga tapad sa mga boxing matches aron maseguro ang kaluwasan sa mga boksidor nga moaway ibabaw sa ring.

Si Mitra nagkanayon nga nabalaka siya sa mga kaso sa 'mismatches' sa mga sangka dinhi sa nasud ug sa mga Pinoy nga mahulog nga gilawog didto sa abroad. Hugot nilang bantayan ang pairings aron maseguro  nga  dili  mahitabo  ang maong mga kaso.

"We do not allow mismatches to happen here and abroad. It's our job to look after the boxers' welfare even if some think we're too strict," matud pa ni Mitra sa The Philippine Star.

Usa usab sa seguruon sa GAB mao ang pagpatuman sa ensaktong pahuway sa mga boksidor nga gikan lang miaway, paghatag og saktong panahon kun kanus-a kini moaway og balik  ilabi na kun kini nakahiagum og 'knockdown' o 'knockout'.

"We ensure strict implementation of boxing rules and regulations, particularly our guidelines in the issuance of authority to fight abroad and rest period for boxers," dugang pa niya.

Miingon si Mitra nga usa kini sa mga lakang aron matabangan ang mga boksidor sa nasud gawas sa libre nilang medical ug dental gikan sa kagamhanan.