CEBU, Philippines – Positibo si coach Jimmy Alapag nga madepensaan nila ang ilang korona sa ASEAN Basketball League bisan pa og dili na No. 1 ang Alab Pilipinas.
Nanaog ang Alab Pilipinas sa ikaduhang dapit human mapilde ngadto sa Macau Black Bears sa miaging adlaw. Nagbitbit sila karon og 18-7 nga baraha.
Ang Formosa Dreamers mao na ang temporaryon nag-una sa standing ubann ang 18-6 win-loss record.
Hinuon si Alapag miingon nga bisan pa sa ilang pagnaog sa ikaduha, dili kini mahimong basihan nga mihuyang na ilang kampanya paingon sa "back-to-back" championships.
Miangkon hinuon si Alapag nga naglisud sila sa hinapos nga bahin sa elimination round tungod kay naangkon og injury ang ilang leading scorer nga si Renaldo Balkman.
May purohan hinuon nga makuha og balik sa Alab Pilipinas ang No. 1 spot sa ilang sangka batok sa Saigon Heat sa Marso 24 didto sa Vietnam.
Mag-ampo lang ang Alab Pilipinas nga ang Formosa batok sa Westport Malaysia ug Wolf Warriors sa China.
Ang playoffs sugdan sa Marso 29 diin ang homegame sa Alab ipahigayon sa HoopsDome, Dakbayan sa Lapu-Lapu.