Anak ni George Foreman naghikog
CEBU, Philippines – Anak ni boxing legend George Foreman nga si Freeda Foreman, mipanaw sa laing kalibotan human nasuta nga naghikog basi sa mga sirkumstansiya luyo sa kalit niining kamatayon.
Nag-edad siya og 42 anyos.
Segun sa taho sa TMZ Sports nga ang tigpamaba sa Harris County Precinct 4 Constable didto sa Texas nagkanayon nga tanang indiskasyon sa hinungdan sa pagkamatay ni Freeda adto punting sa 'suicide'.
Ang mga otoridad nga pamilyar sa imbestigasyon mipadayag nga wala sila'y nakita nga foul play ug basi sa makuti nilang pakisusi, ilang nasuta nga si Freeda nga naghikog gyud.
Dili sama sa iyang amahan, hamubo lamang ang karera ni Freeda sa boksing. Nakaaway siya og unom lamang ka higayon ug mirehistro diin usa ra ang iyang pilde.
Miretiro siya human makatilaw sa labing una niyang pilde niadtong 2001.
Gikataho nga si George mibayad pa gani ni Freeda aron lang moundang sa boksing kay wala siya malipay nga makita ang iyang anak ibabaw sa ring.
Si Freeda dunay gibilin nga bana, duha ka anak nga babaye, tulo ka apo ug 11 ka igsuon.
- Latest
