Sukmagay sa ginatilan karon
CEBU, Philippines — Dose ka paresan sa mga tadhang amateur boxers sa Sugbo ang magsinukmagay aron pagdugang og lamas sa tinuig kapistahan ni St. Gregory the Great, ang mahal nga patron sa lungsod sa Ginatilan sa habagatang bahin sa Sugbo.
Ang kulbahinam nga aksiyon gipasiugdahan sa Philippine Sports Commission (PSC) Visayas ug sa Alliances of Boxing Association of the Philippines (ABAP) Central Visayas inabagan sa Ginatilan LGU ubos sa liderato ni Mayor Dean Michael P. Singco.
"Ginatilan is very interested to have an amateur boxing event in their town. Although they have no boxers yet, we hope that this amateur boxing competition will generate interest among the youth of Ginatilan to dream big and start take up boxing," matud pa ni ABAP-7 regional director ug PSC Visayas Coordinator Lorenzo 'Chao' Sy.
Pinili ang mga boksidor nga magpinaksitay ug sagad kanila nanghawod sa nagkadaiyang mga kompetisyon nga ilang gisalmotan, apil na ang CVIRAA Meet ug Batang Pinoy Visayas elimination.
- Latest
